Association Of United Nationalities -Japan ( Election 2009 -2010)

Photo by : Lian khan Sum (CNC-Japan)

Burma VJ ၂၀၀၉ ခုနှစ် အော်စကာဆုအတွက် ပဏာမ ရွေးချယ်ခံရ

နယူးဒေလီ (မဇ္ဈိမ)။ ။ သံဃာတော်များ ဦးဆောင်သည့် ၂၀၀၇ ခုနှစ် ဆန္ဒပြပွဲများကို စစ်အစိုးရက ရက်စက်စွာ နှိမ်နင်းခဲ့ပုံအကြောင်း ရိုက်ကူးထားသည့် မှတ်တမ်းတင် ရုပ်ရှင်ကားမှာ လာမည့်နှစ် အကယ်ဒမီဆုအတွက် ပဏာမ ရွေးချယ်ခံရပြီး အမည်စာရင်း တင်သွင်းထားခြင်း ခံရပြီ ဖြစ်သည်။

မြန်မာပြည်သူများ လွတ်လပ်စွာ ထုတ်ဖော်ပြောဆိုခွင့်နှင့် ဒီမိုကရေစီရေးအတွက် သတ္တိပြောင်မြောက်စွာ တိုက်ပွဲဝင်ခဲ့ပုံအကြောင်း မှတ်တမ်းတင် ရိုက်ကူးထားသည့် ရုပ်ရှင်ကားကို ၂၀၀၉ ခုနှစ်အတွင်း ပြသခဲ့ပြီး ယင်းကို ၂၀၁၀ ခုနှစ် အကယ်ဒမီဆုအတွက် ပဏာမ ရွေးချယ်ထားခြင်း ဖြစ်ကြောင်း အမေရိကန် ရုပ်ရှင်အနုပညာနှင့် သိပ္ပံအကယ်ဒမီအဖွဲ့ကြီး၏ အပြောအရ သိရသည်။

ဒါရိုက်တာ ဒင်းနစ် အင်ဒါးစ် အိုစ်တီဂါဒ် (Danish Anders Ostergaard) ရိုက်ကူးသော Burma VJ ရုပ်ရှင်ကားကို မှတ်တမ်းတင် ဇာတ်လမ်းရုပ်ရှင် (Documentary Feature) အမျိုးအစားအတွက် ပဏာမ ရွေးချယ်သော ဇာတ်ကား ၁၅ ထဲတွင် ထည့်သွင်းရွေးချယ်ထားသည်ဟု Beverly Hills ရှိ အကယ်ဒမီအဖွဲ့ကြီးက ဗုဒ္ဓဟူးနေ့က ထုတ်ပြန်ကြေညာသည်။ အဆိုပါ ပဏာမ ၁၅ ကားကို ၈၂ ကြိမ်မြောက် အကယ်ဒမီဆုပေးပွဲအတွက် ဆက်လက်၍ မဲပေးရွေးချယ်သွားမည်။

Burma VJ မှတ်တမ်းတင် ဇာတ်လမ်းရုပ်ရှင်ကားသည် ၂ဝဝ၇ ခုနှစ် စက်တင်ဘာလ ဆန္ဒပြပွဲများအတွင်း သတင်းသမားများနှင့် အတိုက်အခံတို့ စစ်အစိုးရ၏ အုပ်ချုပ်မှုအောက်တွင် စွန့်စားလှုပ်ရှားခဲ့ရပုံအကြောင်း အသားပေး ဖော်ပြရိုက်ကူးထားခြင်း ဖြစ်သည်။ ဤဆန္ဒပြပွဲကို နောင်တွင် `ရွှေဝါရောင်တော်လှန်ရေး´ ဟု ခေါ်ဝေါ်ခဲ့ကြသည်။ ဤမှတ်တမ်းတင် ရုပ်ရှင်ကားသည် ယခုအထိ ‘World Cinema Documentary Film Editing Award’, ‘Golden Gate Persistence of Vision Award’ အပါအဝင် နိုင်ငံတကာ ရုပ်ရှင်ဆုပေါင်း ၃၃ ခု ရရှိထားပြီဖြစ်ပြီး EFA Documentaire 2009 –Prix Arte အတွက်လည်း အမည်စာရင်း တင်သွင်းထားခြင်း ခံရပြီးဖြစ်သည်။

Burma VJ မှတ်တမ်းတင်ကားအတွက် ၈ဝ ရာခိုင်နှုန်းမျှသော ဗီဒီယိုကလစ်များကို ပေးပို့ခဲ့သည့် ဒီမိုကရက်တစ် မြန်မာ့အသံ (DVB) ထိုင်းဗျူရိုရုံး အကြီးအကဲ ဦးတိုးဇော်လတ်က ယခုကဲ့သို့ အကယ်ဒမီဆုအတွက် ပဏာမ ရွေးချယ်ခံရခြင်းအတွက် သူ့အနေဖြင့် ဂုဏ်ယူမိကြောင်း ပြောသည်။

''အခုတော့ မြန်မာပြည်သူတွေ ခံစားနေရတဲ့ ဆင်းရဲဒုက္ခတွေဟာ နိုင်ငံတကာ မီဒီယာတွေတင်မက ရုပ်ရှင်တွေထဲမှာလည်း အသားပေးဖော်ပြတာ ခံနေရပါပြီ။ ဒါဟာ မြန်မာနိုင်ငံတွင်း သတင်းအမှောင်ချမှု ရှိနေကြောင်း နိုင်ငံတကာအဆင့်မှာပါ သိရှိအောင် လုပ်ရေးအတွက် ကျနော်တို့ရဲ့ သန္နိဋ္ဌာန်ကို အောင်မြင်စွာ ဖြည့်ဆည်းဆောင်ရွက်ပေးလိုက်တာပဲ ဖြစ်ပါတယ်'' ဟု ဦးတိုးဇော်လတ်က ပြောသည်။

ဤရုပ်ရှင်ကားသည် အော်စလိုအခြေစိုက် DVB ၏ ၂၇ နှစ် အရွယ်ရှိ လျှို့ဝှက်သတင်းထောက် ဂျိုရှူးဝါး (Joshua) အကြောင်း အခြေခံရိုက်ကူးထားခြင်း ဖြစ်သည်။ သူသည် မြန်မာနိုင်ငံ မြို့တော်ဟောင်း ရန်ကုန်ရှိ လမ်းများပေါ်တွင် ၂ဝဝ၇ ခုနှစ် စက်တင်ဘာ အုံကြွမှုအတွင်း ဗီဒီယို ကင်မရာ အငယ်စားကလေးများဖြင့် ရိုက်ကူးမှတ်တမ်းတင်ခဲ့သည်။

သူက မည်သို့မည်ပုံ မှတ်တမ်းတင် ရုပ်ရှင်ကို ရိုက်ကူးခဲ့ကြောင်းနှင့် ဤမှတ်တမ်းတင် ဗီဒီယိုရုပ်ရှင်များကို နိုင်ငံတကာ မီဒီယာများဖြစ်သော CNN, BBC, Aljazeera တို့မှတဆင့် ဂြိုဟ်တုမှတဆင့် မြန်မာနိုင်ငံသို့ ပြန်လည်လွှင့်ထုတ်ပေးခဲ့ပုံ အကြောင်းများကို ရိုက်ကူးတင်ဆက်ထားခြင်း ဖြစ်သည်။

''ညှဉ်းပမ်းနှိပ်စက်ခံရမယ့် အန္တရာယ်နဲ့ ထောင်သွင်းအကျဉ်းချခံရမယ့် အန္တရာယ်တွေ ရှိနေပေမယ့် မြန်မာနိုင်ငံက သတ္တိပြောင်မြောက်ပြီး ငယ်ရွယ်တဲ့ သတင်းထောက်တွေက တံခါးပိတ်ထားတဲ့ သူတို့နိုင်ငံက သတင်းတွေကို ပြည်ပကို ပေးပို့နိုင်အောင် စာနယ်ဇင်းလုပ်ငန်းရဲ့ အနှစ်သာရအတိုင်း နေထိုင်လုပ်ကိုင်ခဲ့ကြပါတယ်'' ဟု Burma VJ ဝဘ်ဆိုဒ်တွင် ဖော်ပြထားသည်။

ဗီဒီယိုသတင်းထောက် အများအပြားသည် ဆန္ဒပြပွဲအတွင်း လမ်းမများပေါ်တွင် ရိုက်ကူးမှတ်တမ်းတင်နေစဉ် မြန်မာနိုင်ငံ လုံခြုံရေးအဖွဲ့များ၏ ဖမ်းဆီးထိန်းသိမ်းခြင်း ခံခဲ့ရသည်ဟု ဦးတိုးဇော်လတ်က ပြောသည်။

ဤရုပ်ရှင်ကား အမျိုးအစားအတွက် ကားပေါင်း ၈၉ ကားထဲမှ ပဏာမ ရွေးချယ်ခံခဲ့ရသော ၁၅ ကားမှာ “The Beaches of Agnes,” “Burma VJ,” “The Cove,” “Every Little Step,” “Facing Ali,” “Food, Inc.,” “Garbage Dreams,” “Living in Emergency: Stories of Doctors Without Borders,” “The Most Dangerous Man in America: Daniel Ellsberg and the Pentagon Papers,” “Mugabe and the White African,” “Sergio,” “Soundtrack for a Revolution,” “Under Our Skin,” “Valentino The Last Emperor,” and “Which Way Home,” တို့ ဖြစ်သည်။

ပဏာမ ရွေးချယ်ခံထားရသော ၁၅ ကားထဲမှ ၂ဝဝ၉ ခုနှစ် ထူးချွန်ရုပ်ရှင် အောင်မြင်မှု အကယ်ဒမီဆုအတွက် နောက်ဆုံးဆန်ခါတင် ၅ ကားကို မှတ်တမ်းတင်ရုပ်ရှင်အဖွဲ့ခွဲ အဖွဲ့ဝင်များက ဆက်လက်ရွေးချယ်မည်ဖြစ်သည်။

၈၂ ကြိမ်မြောက် အကယ်ဒမီဆုအတွက် ဤသို့ ဆန်ခါတင်ရွေးချယ်ခံရသော စာရင်းကို ၂ဝ၁ဝ ခုနှစ် ဖေဖော်ဝါရီလ ၂ ရက်နေ့တွင် ကြေညာမည်ဖြစ်သည်။ ဆုပေးပွဲကိုမူ မတ်လ ၇ ရက်နေ့တွင် လော့စ်အိန်ဂျလိစ်မြို့ Hollywood & Highland Center ရှိ ကိုဒတ်ဇာတ်ရုံ (Kodak Theatre) ကြီးတွင် ကျင်းပပေးအပ်မည်ဖြစ်သည်။

ရွှေဂုံတိုင် ကြေညာစာတမ်း နှီးနှောဖလှယ်ပွဲမှတ်တမ်းများ

Posted by Thawngsian Tung (CNC-Japan)
Photos : Lian Khan Sum (CNC-Japan)

ရိုးရာခွာဒိုပွဲတော်ကို ဇိုမီးအမျိုးသားများ နယူးဒေလီတွင် ကျင်းပ (ရုပ်သံသတင်း)

ရိုးရာခွာဒိုပွဲတော်ကို ဇိုမီးအမျိုးသားများ နယူးဒေလီတွင် ကျင်းပ (ရုပ်သံသတင်း)

စွမ်းအားရှင်လူမိုက် များ ၏ ဥပဒေမဲ့ ရမ်းကား သည့် အ ဖြစ် အပျက်

Posted by Thawngsian Tung (CNC-Japan)

စစ်ကိုင်း တိုင်း ကလေးမြို့နယ် နည်းပညာ တက် က သိုလ် (ကလေး) အနီး ရှိ ရပ် ဝေး ကျောင်းသား များ အဓိက ခြေချ ရာ ထိုမာ ကျေး ရွာ အုပ် စု သာယာဝတီ ရွာ ရှိ ခရစ်ယာန် ဘာသာဝင် နည်းပညာ ကျောင်းသား များ ၏ အ ဆောင် တစ်ခု ဆောက် လုပ် ရန် စုဆောင်း ထား သော အိမ် ဆောက် ပစ်စည်း များ သို လှောင် ရာ မိုးကာ တဲ တစ် ခု ကို ကျောင်း ပိတ် ချိန်ကို အခွင့် ကောင်း ယူ ပြီး လူ ရမ်းကား တစု မှ သော့ ဖောက် ၀င် ရောက် ဖျက်ဆီး သွား ကြောင်း နိုဝင်ဘာလ ၁၀ ရက် နေ့ တွင် ထို နေရာ သို့ ရောက် ရှိ ခဲ့ သူ ကျောင်းသား တစ်ဦး ထံ မှ သိ ရှိ ရ ပါ သည်။ ယင်း အဆောင် သည် အဆောင် နေ ကျောင်းသား များ ဘုရား ၀တ် ပြု ခြင်း များ ပြု လုပ် နိုင် ရန် နှင့် ရပ်ဝေး မှ လာ သော ဆင်းရဲ ခက်ခဲ သည့် ကျောင်းသား များ စရိတ်သက်သာ စွာ ဖြင့် နေထိုင် ကျောင်းတက် နိုင် ရန် ရည် ရွယ် ထား ခြင်း ဖြစ် သည်။
ယင်း အ ဆောင် ကို ဆောက် လုပ် နိုင် ရန်အတွက် ကျောင်းသူ ကျောင်းသား များ က သူး တို့ ၏ မုန့် ဖိုး ထဲ မှ ခွဲ ထုတ် စုဆောင်း ခဲ့ ကြ သည် မှာ ၉ နှစ် ကျော် ကြာ ပြီ ဖြစ် သည်။ ၂၀၀၅ ခုနှစ် တွင် မြေ ကွက် များ ၀ယ် ယူ နိုင် ပြီ ဖြစ် ရာ ယင်း နေရာ တွင် အုတ်မြစ် ကို လည်း စနစ် တကျ ချ နိုင် ခဲ့ သည်။ သို့ သော် ၂၀၀၆ နှင့် ၂၀၀၇ ခုနစ် များ ၌် အခက် အခဲ အ မျိုးမျိုး ကြောင့် ဆက်လက် မ ဆောက် လုပ် နိုင် တော့ ပေ။ ယင်း သို့ ဖြင့် ၂၀၀၈ ခုနစ် နိုဝင်ဘာလ ၂၇ နေ. ၌ အုတ်မြစ် ပေါ် ၌တိုင် ထောင် ကာ ဆက်လက် ဆောက် လုပ် ခဲ့ ရာ ကလေး မယက ဥက္ကဌ ဥိး ကိုကိုလတ် ဦးဆောင် ၍ မ တရား တားမြစ် လာ သဖြင့် ဆောက် လက် စ ကို လက် စ မ သတ် တော့ ပဲ ချက်ချင်း ရပ် နား ခဲ့ ကြ သည်။ ယင်းကဲ့ ရပ် နား ခဲ့ သော် လည်း စစ် အစိုးရ အလိုကျ ပြုမူ လုပ် ဆောင် ကြ သည့် ကြံ့ဖွံ့ နှင့် စွမ်းအားရှင်လူမိုက် များ က ကျောင်းသား များ လုပ် အားဖြင့် ထောင် ထား သော တိုင် အား လုံး ကို ဥပဒေ မဲ့ လစု လူဝေး အားကူး ၍ အာဏာ ပိုင် များ ၏ မြောက် ပေး မှု ဖြင့် ဆွဲံလှဲ ပြီး တိုင်ထောင် ရန် ချ ထားသော သံ ဖိနပ် အုတ် ခုံ များ ကို လည်း ထုခွဲ ဖျက်ဆီး ခဲ့ ကြ သည်။ ထိုပြင် အိမ် ဆောက် ရန် နှစ် ရှည် လရှည် စု ဆောင်း ထား သော သစ် သား များ ကို သာယာဝတီ ဥက္ကဌ အိမ် သို့ နွား လှည်း ဖြင့် မတရား သဖြင့် သိမ်း ဆည်း သယ် ဆောင် သွား ကြ သည်။ အဆိုပါ အဖြစ် အပျက် နှင့် ပတ်သက် ၍ ကလေးမြို့ ဒကစ မှုး ထံ တိုင် ကြား ခဲ့သော်လည်း ယနေ့ တိုင် အောင် တရား မျှတ သည့် ဖြေရှင်း ချက် တစုံတခု မှ ထွက် မ လာ ခဲ့ ပေ။ ယင်း ကဲ့သိုံ ဖျက်ဆိး ခံ ရ မှု နှင့် ပတ်သက် ၍ မျက်မြင် ကျောင်းသား တစ် ဦး က ဖျက်ဆိး ခဲံ့ သည့် ပစ္စည်းတန်ဖိုး မှာ ကျပ် သိန်း ပေါင်း ၂၀ ကျော် ရှိ ကြောင်းပြော ကြား ခဲ့ ပါ သည်။

သို့ဖြစ်၍ ဖျက်ဆီး သိမ်းဆည်း မထား ပဲကျန် နေ ခဲ့ သည့် သစ်သား စ များ ကို ထိန်းသိမ်း သိုလှောင် ရန် မိုးကာ တဲ တစ်ခု ကို June 6 နေ့ တွင် ကျောင်းသား များ က ဆောက် လုပ် ခဲ့ ရာ ဦး ကိုကိုလတ် မှ ထပ် မံ တားဆိး လာ ပြန် သဖြင့် တဲ ကို အ ပြီး တိုင် မ ဆောက် ရ ပဲ ရပ် နား ခဲ့ ရ ပြန် ပါ သည်။ မိုးကာ တဲ ဆောက်လုပ် ခြင်း နဲ့ ပတ်သက် ၍ တာဝန် ရှိ သူ ကျောင်းသား တချို့ ကို ကျောင်း အုပ် ကြိး ကို ဖိအား ပေး ခြိမ်းခြောက် စေ ခဲ့ သည် မှ ကြံ့ ဖွံ့၊ စွမ်းအားရှင် စ သည့် စစ် အစိုးရ တုတ် ကိုင် များ နှင့် ကျောင်း သား များ ပြဿနာ မည် ကို စိုး၇ိမ် လာ သဖြင့် ဖျက်ဆီး ခြင်း များ မပြု ပဲ နေ ခဲ့ ရာ မှ ယခု လ အ တွင်း ဤ ကဲ့သို့ ပြု မူ လာ ခဲ့ ကြ ခြင်း ဖြစ် သည်။ ယခု တကြိမ် ဖျက်ဆီး မှု နဲ့ ပတ် သက် ပြီး ယင်း နေရာ သို့ ရောက် ရှိ သူ ကျောင်းသား တစ် ဦး က " တိုင် နှစ် ခု ကို ဓား နှင့် ပြတ် အောင် ခုတ် ထား တာ တွေ့ ရ တယ်။ တခြား တိုင် တွေ လည်း ခုတ် ထား တာ တွေ့ ရ တယ်။ ပြတ် အောင် တော့ မ ခုတ် ဘူး။ အပေါ် မှာ မိုး ထား တဲ့ မိုးကာ တွေ အ ကုန် ဆွဲ ဖြဲ ခံ ရ တယ်။ " ဟု ဆက်လက် ပြော ကြား ခဲ့ ပါ သည်။

"ရွာ သား တွေ မေး ကြည့် မယ် လုပ် တော့ မေး လို့ သိပ် မ ရ ဘူး။ ကျောင်းသား တွေ နဲ့ ပြသ နာ တက် မှာ ကြောက် တယ် ထင် တာ ပဲ။ ဘယ် သူ တွေ ဖျက်ဆီး တာ ၊ ဘယ် ချိန် မှာ ဖျက် တာ တို့ မ သိ ရ ဘူး ဗျ။ " ဟု ဖြစ် ပျက် ပုံ ကို ဆက်လက် ရှင်း ပြခဲ့ ပါ သည်။


၂၀၀၈ ခုနှစ် နိုဝင်ဘာလ တွင် မြို့နယ် နှင့် ကျေးရွာ အာဏာပိုင် များ ပူးပေါင်း ဖျက်ဆိး သော အိမ် ဆောက် ပစ်စည်း တန်းဖိုး ကျပ် သိန်း ပေါင်း ၂၀ ကျော် နှင် စာ လျှင် ယခု ပျက်ဆိး မှု ပမာဏ မှာ မ ပြောပ လောက် ကြောင်း အဆိုပါ ကျောင်းသား ထံ မှ သိရှိ ရ ပါ သည်။

ယင်း အဖြစ် အပျက် များ ကို သုံးသပ် ကြည့် မည် ဆို ပါ က ဗိုလ် ချုပ် သာအေး၊ ဗိုလ် မှုးချူပ် ဟုန်းငိုင်း နှင့် ဗိုလ် မှုး ချုပ် ၀င်းမြင့် တို့ ၏ November လ ပထမ ပတ် တွင် သွား ရောက် ခဲ့ ကြ သည့် အ နှစ် နှစ် ဆယ် အတွင်း ပထမ ဆုံး အကြိမ် ဘာသာရေး ခေါင်း ဆောင် များ နှင့် တွေ့ ဆုံ ၍် ချင်းတောင် ဒေသ၏ ထောက်ခံ မှု ရ ရှိရေးအတွက ရွေး ကောက် ပွဲ အကြို စည်းရုံးရေး ခရိး စဉ် အတွင်း ဗိုလ် ချုပ် သာအေး မှ ဘာသာရေး ခေါင်ဆောင် များ အပေါ် ပြောဆို ဟော ကြား ခဲ့ သည့် သမ္မာ ကျမ်း စာ ထဲ မှ ခရစ်ယာန် ယုံကြည် မှု နှင် ဆိုင် သော ဘုန်းကြီး စာ ချ တရား များ သည် အ ပေါ်ရံ သက်သက် သာ ဖြစ် ကြောင်း ချင်းတောင် ခြေ ရှိ Technological University of Kalay ကျောင်း ရှိရာ သာယာဝတီရွာမှ ကြံ့ဖွံ့ နှင့် စွမ်းအားရှင်လူမိုက် များ ၏ ဥပဒေမဲ့ ရမ်းကား သည့် အ ဖြစ် အပျက် များ က သက် သေ ပြ ခဲ့ ပြီ ဖြစ် သည်။
News by Moses

ယနေ့ တွေ့ မြင်ရသော မြန်မာပြည်သူလူထု ခေါင်းဆောင် ဒေါ်အောင်ဆန်းစုကြည်

Posted by Thawngsian Tung (CNC-Japan)

သန်းရွှေအရေးပေါ်ဆေးဝါးကုသမှုခံယူရ

Posted by Thawngsian Tung (CNC-Japan)

၎င်း၏မြေးဖြစ်သူစိန်မျောက်မျောက်ဓားထိုးခံရလို့ပန်းလှိုင်ဆေးရုံရောက်
မြန်မာစစ်ခေါင်းဆောင် ဗိုလ်ချုပ်မှုးကြီးသန်းရွှေမှာ နေပြည်တော်ရှိ ၎င်း၏လုံခြုံရေး
တင်းကျပ်စွာချထားသော အိမ်မှာပင် ၂၉ ရက်နေ့ ည ကတည်းက အရေးပေါ်ဆေးဝါးကုသမှု
ခံယူနေရ ကြောင်း သတင်းရရှိသည်။

ကိုယ်တစ်ခြမ်းသေ အာရုဏ်ကြောများရပ်ဆိုင်းသည့် ဝေဒနာ ကဲ့သို့ ရောဂါတစ်
မျိုး ဗုဒ္ဓဟူနေ့ ညကတည်းက စတင်ဖြစ်ပွားခဲ့သောကြောင့် ရန်ကုန် မြို့ ရှိစစ်ဆေးရုံမှ
ဆရာဝန်များ နှင့် စင်္ကာပူ နိုင်ငံမှ သမားတော် တစ်ဦးအရေးပေါ်လာရောက်ကုသခံရ
သည် ဟု သတင်းရရှိသည်။

ရန်ကုန် နှင့် နေပြည်တော် တွင် လုံခြုံရေးများ တင်းကျပ်စွာချထားပြီး ဗိုလ်ချုပ်မှုးကြီး
သန်းရွှေ ၏ ကျန်းမာရေး အတွက် ရန်ကုန် စစ်ဆေးရုံ မှ ဆရာဝန်များက အချိန်ပြည့်စောင့်
ရှောက်ပေးရသည် ။

အသက် ၇၆ နှစ်အရွယ်ရှိပြီ ဖြစ်သော ဗိုလ်ချုပ်မှုးကြီးသန်းရွှေသည် အောက်တိုဘာလ ၂၆
ရက် (တနင်္လာ)နေ့ မနက် က ထိုင်းနိုင်ငံ ဟွာဟင်းတွင် ကျင်းပသည့် ၁၅ ကြိမ်မြောက်အာ
ဆီယံ ထိပ်သီးအစည်း အဝေးကို တက်ရောက်ပြီး ပြန်လာသည့် ၀န်ကြီးချုပ် ဗိုလ်ချုပ်ကြီး
သိန်းစိန်အား နေပြည်တော် လေဆိပ် တွင် သွားရောက် ကြိုဆိုပြီး နောက်တစ်နေ့ တွင်
လေဖြတ်ရောဂါ ဖြစ်ပွားခြင်းဖြစ်သည်။

ဗိုလ်ချုပ်မှုးကြီး သန်းရွှေ အရေးပေါ်ဆေးဝါးကုသခံရခြင်းနှင့်ပတ်သက်၍သတင်းမျိုးစုံထွက်ပေါ်
နေသော်လည်း အတည် မပြုနိုင်သေးသည့် သတင်းတစ်ရပ် အရ
၎င်း ၏ မြေးဖြစ်သူ နေရွှေသွေးအောင်မှာ အောက်တိုဘာလ ၂၇ ရက်နေ့ မနက်က ရန်ကုန်
လေဆိပ် အနီးရှိ ရမဒါ ဟိုတယ် အနီးတွင် ဓားထိုးခံရသည် ဟု သိရသည်။

စိုးရိမ်ဖွယ်ရာ ရှိသော ဗိုလ်ချုပ်မှုးကြီး သန်းရွှေ၏ ကျန်းမာရေး နှင့် ပတ်သက်၍ ရန်ကုန်အ
ခြေစိုက် စာနယ်ဇင်းဆရာ တစ်ဦးက အမေရိကန်က လက်ထောက် နိုင်ငံခြားရေးဝန်ကြီး
ကတ် ကမ်ဘယ်လ် လာဖို့ ရှိတယ်လေမတွေ့ မကောင်းတွေ့မကောင်းလို့တမင်နေမကောင်း
ချင်ယောင်ဆောင်တာလားမသိဘူး “ဟု သုံးသပ်ပြောကြးသည်။

ဗိုလ်ချုပ်မှုးကြီး သန်းရွှေသည် ၂၀၀၆ ခုနှစ်က စင်္ကာပူ နိုင်ငံရှိဆေးရုံတစ်ခုတွင် သွားရောက်ဆေးကုသမှုခံယူခဲ့ရသည်။
longwalktofreedom.wordpress.com/မှကူးယူဖေါ်ပြသည်

ထိတွေ့ဆက်ဆံရေးမူဝါဒ မြန်မာဗိုလ်ချုပ်ကြီးများ လက်ထဲ ရောက်သွားပြီလော

Posted by Thawngsian Tung (CNC-Japan)
မဇ္ဈိမသတင်းဌာန

မြန်မာစစ်အစိုးရနှင့် ထိတွေ့ဆက်ဆံရေးမူဝါဒကို ထုတ်ဖော်ကြေညာခဲ့ပြီးနောက် အမေရိကန်သမ္မတ မစ္စတာ အိုဘားမား အစိုးရသည် ၁၄ နှစ်အတွင်း ပထမဆုံးအကြိမ်အဖြစ် သူ၏ အဆင့်မြင့်ကိုယ်စားလှယ်အဖွဲ့ တဖွဲ့ကို နေပြည်တော်သို့ စေလွှတ်လိုက်သည်။

ပထဝီဝင်နိုင်ငံရေးအရ ပြိုင်ဆိုင်မှုများရှိလာ၍လည်းကောင်း၊ အမေရိကန်မူဝါဒဟောင်းဖြစ်သော အထီးကျန် ပစ်ပယ်ထားခြင်းနှင့် ဒဏ်ခတ်အရေးယူခြင်းမှာ မြန်မာနိုင်ငံတွင်း ဒီမိုကရေစီအပြောင်းအလဲများ ဖြစ်ပေါ်လာအောင် မစွမ်းဆောင်နိုင်၍လည်းကောင်း၊ အမေရိကန်မူဝါဒ ရေးဆွဲသူများသည် အခြားရွေးစရာ လမ်းမရှိတော့ဘဲ ဆုပေးဒဏ်ပေးစနစ်ကိုသာ ကျင့်သုံးရန် ရွေးချယ်ခဲ့ကြရသည်။ သို့သော် မြန်မာဗိုလ်ချုပ်ကြီးများကို အနည်းဆုံး မကြာခင်ကာလ၌ ဒဏ်ပေးရန် အကြောင်းမရှိ၍ လောလောဆယ် အမြတ်ထွက်မည့်သူမှာ နေပြည်တော်ရှိ အစိမ်းရောင် ယူနီဖောင်းဝတ် ဗိုလ်ချုပ်ကြီးများသာ ဖြစ်သည်။

အမေရိကန် လက်ထောက်နိုင်ငံခြားရေးဝန်ကြီး ကတ်ကင်းဘဲလ်နှင့် ဒုလက်ထောက် နိုင်ငံခြားရေးဝန်ကြီး စကော့မာဆီယယ်သည် သူတို့၏ မြန်မာနိုင်ငံသို့ အချက်အလက် ရှာဖွေရေး ၂ ရက်ကြာ ခရီးစဉ်ကို မကြာခင်က အဆုံးသတ်ခဲ့သည်။ ဤခရီးစဉ်အတွင်း သူတို့သည် ဝန်ကြီးချုပ်သိန်းစိန်နှင့် ဝန်ကြီးဦးသောင်း အပါအဝင် စစ်အစိုးရအရာရှိများနှင့် တွေ့ဆုံခဲ့သည်။ ဦးသောင်းကို အမာလိုင်း သမားတဦးဟု လူအများက သိရှိကြပြီး၊ စစ်အစိုးရ အကြီးအကဲ ဗိုလ်ချုပ်မှူးကြီးသန်းရွှေ၏ လူယုံတော်လက်ရုံးတဦးလည်း ဖြစ်သည်။

အဆိုပါ ခရီးစဉ်အတွင်း သူတို့သည် အထိန်းသိမ်းခံ အတိုက်အခံခေါင်းဆောင် ဒေါ်အောင်ဆန်းစုကြည်၊ အမျိုးသား ဒီမိုကရေစီအဖွဲ့ချုပ် ထိပ်တန်းခေါင်းဆောင်များ၊ အတိုက်အခံ တိုင်းရင်းသားအဖွဲ့အစည်း ခေါင်းဆောင်များ၊ စစ်အစိုးရ လိုလားသော ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးအသင်း (USDA) ကိုယ်စားလှယ်များ စသည်တို့နှင့်လည်း တွေ့ဆုံခဲ့သည်။ USDA ကို အတိုက်အခံ တက်ကြွလှုပ်ရှားသူများကို အကြမ်းဖက် တိုက်ခိုက်နှိမ်နင်းတတ်သူများအဖြစ် ကြာမြင့်စွာကတည်းကပင် သိရှိထားကြသည်။

သို့သော် မကြာခင်ကာလအတွင်း ထူးခြားသော အပြောင်းအလဲများ ဖြစ်ပေါ်လာရေးမှာမူ အတော်ပင် အခွင့်အလမ်း နည်းပါးနေဆဲ ရှိသေးသည်။ နှစ်ဖက်လုံးတွင် ကွဲလွဲချက်များက ကြီးမားစွာ တည်ရှိနေဆဲ ဖြစ်သည်။ ဗိုလ်ချုပ်ကြီးများဘက်က သူတို့နှင့် မြန်မာနိုင်ငံအပေါ် ချမှတ်ထားသော ပိတ်ဆို့ဒဏ်ခတ်မှုများကို အမေရိကန်နှင့် သူ့မဟာမိတ်များက ရုပ်သိမ်းပေးစေလိုသည်။ အငြင်းပွားဖွယ် ဖွဲ့စည်းပုံ အခြေခံဥပဒေအပေါ် စောဒက မတက်ဘဲ လာမည့် ၂ဝ၁ဝ ရွေးကောက်ပွဲကို လက်ခံအသိအမှတ်ပြုစေလိုသည်။

အဆိုပါ ဖွဲ့စည်းပုံကို စောဒကတက်စရာ တပုံကြီးနှင့် ၂ဝဝ၈ ခုနှစ် မေလက ကျင်းပခဲ့သော ပြည်သူ့ဆန္ဒခံယူပွဲဖြင့် အတည်ပြုထားခြင်း ဖြစ်သည်။ သို့သော် အမျိုးသား ဒီမိုကရေစီအဖွဲ့ချုပ်နှင့် တိုင်းရင်းသား နိုင်ငံရေးပါတီများ အပါအဝင်ဖြစ်သော သူတို့၏ မဟာမိတ်အဖွဲ့အစည်းများကမူ ဤဖွဲ့စည်းပုံသည် စစ်တပ်ကြီးစိုးမှုကို တရားဝင် အတည်ဖြစ်အောင် ရည်ရွယ်ရေးဆွဲထားသည့် ဖွဲ့စည်းပုံတရပ်သာဖြစ်ပြီး၊ ထိုဖွဲ့စည်းပုံအောက်တွင် ကျင်းပမည့် ရွေးကောက်ပွဲဆိုသည်မှာလည်း အတုအယောင်သာ ဖြစ်လိမ့်မည်ဟု ထင်မြင်ယူဆကြသည်။

နိုင်ငံတော် အေးချမ်းသာယာရေးနှင့် ဖွံ့ဖြိုးရေးကောင်စီ (SPDC) ဟု ခေါ်သော စစ်ကောင်စီကမူ တိုင်းပြည်အပေါ် ကျရောက်လာမည့် အကျိုးသက်ရောက်မှု အားလုံးကို လျစ်လျူရှုကာ နိုင်ငံတကာ သံတမန်ရေးကစားပွဲတွင် ဝင်ရောက်ကစားရန် ရည်ရွယ်ထားပုံရသည်။ သူတို့က တရုတ်ဖဲချပ်ကိုပြပြီး အမေရိကန်ကို ဆွယ်ခြင်း ဖြစ်သည်။ မည်သို့ပင်ဖြစ်စေ အိမ်နီးချင်းနိုင်ငံများမှ သူတို့လိုချင်သော ထောက်ခံမှု ရနိုင်သည်ဆိုသည်ကိုမူ စစ်အစိုးရ ကောင်းစွာ သိသည်။ အထူးသဖြင့် ကုလသမဂ္ဂလုံခြုံရေး ကောင်စီတွင် ဗီတိုအာဏာပိုင်ဆိုင်ထားသော တရုတ်နိုင်ငံထံမှ ထိုသို့သော ထောက်ခံမှုမျိုး ရရှိနိုင်သည်။

အကယ်၍ မည်သူ့ကို ဆရာတင်ရမည်ကို အတင်းအကျပ် ရွေးချယ်ခိုင်းသည့် အခြေအနေမျိုးနှင့် ကြုံလာလျှင်မူ မြန်မာဗိုလ်ချုပ်ကြီးများသည် အမေရိကန်နှင့် အမေရိကန်၏ ဒီမိုကရေစီ မဟာမိတ်များကို ပစ်ပယ်ကာ ရွေးချယ်ထားသော အထီးကျန် မူဝါဒဆီသို့ ပြန်လှည့်မည့် အခြေအနေမျိုး ရှိနေသည်။

မိမိဘာသာ ခန့်အပ်ထားသော ဒိုင်လူကြီးဖြစ်သည့် အမေရိကန်နိုင်ငံကလည်း သူတို့၏ မူဝါဒ ပြန်လည်သုံးသပ်ခြင်း လုပ်ငန်းမှ ရေတိုအတွင်း ရလဒ်များများစားစား ထွက်ပေါ်လာလိမ့်မည်ဟု မျှော်လင့်မထားပါ။ တဆင့်ပြီးတဆင့် သွားရမည့် လုပ်ငန်းစဉ်တရပ်သာ ဖြစ်သည်ဟု အကြောက်အကန် ပြောနေဆဲ ဖြစ်သည်။ သို့သော် မည်သို့ပင်ဆိုစေ ဤချဉ်းကပ်မှုသစ်၏ မြင့်မြတ်သော ရည်ရွယ်ချက်ကိုတော့ ရှုပ်ထွေးမသွားစေသင့်ပါ။ ဤမူဝါဒသစ်အရ မြန်မာနိုင်ငံကို ဒီမိုကရေစီနိုင်ငံအဖြစ်သို့ ပြောင်းလဲရာတွင် နိုဘယ်ငြိ်မ်းချမ်းရေးဆုရှင် ဒေါ်အောင်ဆန်းစုကြည်၊ တိုင်းရင်းသား လူမျိုးစုများနှင့် စစ်အစိုးရတို့အကြား တွေ့ဆုံဆွေးနွေးမှု လမ်းကြောင်းမှတဆင့် ပြောင်းလဲရေးလမ်းကို အကူအညီပေးသွားရေး ဖြစ်သည်။

ထို့ပြင် အမေရိကန်က မြန်မာနိုင်ငံနှင့် ထိတွေ့ဆက်ဆံမှု မူဝါဒသစ်ကို တိုးတက်ကျင့်သုံးမည့် အရိပ်အယောင် လက္ခဏာများကို မြင်တွေ့နေရပြီဖြစ်သည်။ ဥရောပသမဂ္ဂကလည်း ဤကမ္ဘာ့အင်အားလွန် နိုင်ငံကြီး၏ လမ်းကြောင်းအတိုင်း လိုက်တော့မည်မှာ သေချာသလောက်ပင် ရှိနေသည်။

ဤနေရာတွင် ပေါ်ထွက်လာသည့် မေးခွန်းမှာ အမေရိကန်က ဗိုလ်ချုပ်မှူးကြီး သန်းရွှေကဲ့သို့ နိုင်ငံခြားသား မုန်းတီးရေး ရောဂါစွဲကပ်နေသော၊ အတ္တကြီးသော၊ သက်ဦးဆံပိုင် အာဏာရှင်ဖြစ်သော လူတဦး၏ စဉ်းစားပုံစဉ်းစားနည်းကို ပြောင်းလဲလာအောင် လုပ်နိုင်ပါ့မလားဟူသည့် မေးခွန်းပင်ဖြစ်သည်။ အစွပ်အစွဲတွေ တလှေကြီး ရှိခဲ့သော ၂ဝဝ၈ ခုနှစ် မေလ ဖွဲ့စည်းပုံဥပဒေ ဆန္ဒခံယူပွဲတုန်းကကဲ့သို့ပင် နောက်တကြိမ် ရွေးကောက်ပွဲများ လုပ်မလာအောင် စစ်အစိုးရကို သူတို့ ဟန့်တားနိုင်ပါ့မလား။ စိုးရိမ်ဖွယ်ကောင်းလှသည့် မြောက်ကိုရီးယားနိုင်ငံနှင့် စစ်ရေးအဆက်အဆံများ ရပ်တန့်သွားအောင် လုပ်နိုင်ပါ့မလား။ မေးခွန်းများက တပုံတပင်ရှိသည်။

ထို့ပြင် အကယ်၍များ စစ်အစိုးရက ဖွဲ့စည်းပုံ အခြေခံဥပဒေရေးရာ ပြဿနာများကို ဆွေးနွေးညှိနှိုင်းရန် ငြင်းဆန်ခဲ့လျှင်၊ အထူးသဖြင့် အမျိုးသား ဒီမိုကရေစီအဖွဲ့ချုပ် (NLD) က ၁၉၉ဝ ရွေးကောက်ပွဲတွင် အပြတ်အသတ် အနိုင်ရခဲ့ခြင်းကို ငြင်းဆန်ခဲ့လျှင် အတိုက်အခံများဘက်ကရော ဘာလုပ်မည်လဲဆိုသည့် မေးခွန်းမျိုးများ ဖြစ်သည်။

မစ္စတာ အိုဘားမားအစိုးရက မြန်မာနိုင်ငံနှင့်၊ အနိမ့်ဆုံးအားဖြင့် မြန်မာ့ဒီမိုကရေစီ အတိုက်အခံများအပေါ် အကောင်းဆုံး ရည်ရွယ်ချက်များ ထားရှိသည့်တိုင် နေပြည်တော်ရှိ စစ်အစိုးရဘက်က အသာစီးရနေဦးမည့် အနေအထားမျိုးပင် ရှိနေသည်။

သမ္ထတ အိုဘားမာူးမန်မာခေၝင်းဆောင်နဲႛ တြေႛဖိုႛ အစီအစဉ်ရြိ

Posted by Thawngsian Tung (CNC-Japan)

အမေရိကန်သမ္ထတ Barack Obama ဟာ လာမယ့်ိုိံဝင်ဘာလ ၁၅ ရက်နေႛ စကဿာပိူုိံင်ငံမြာူပလြုပ်မယ့် APEC ခေၞ အာရြ-ပစိဖိတ် စီးပြားရေး ပူးပေၝင်းဆောင်ရက်ြမဆြိုင်ရိာံစ်ြပတ်လည်ထိပ်သီး အစည်းအဝေးကို တက်ရောက်တဲ့အခၝမြာူမန်မာအပၝအဝင် အာစီယိုံိံင်ငံတေကြ ခေၝင်းဆောင်တေနြဲႛ တြေႛဆုံဖိုႛရြိတယ်လိုႛ သိရပၝတယ်။

မင်္စတာအိုဘားမားကို ဇန်နဝၝရီလ ၁၈ နေႚညတငြ် ကဵင်းပသော ကဵမ်းသင်္စာကဵိန်ဆိုပြဲအဋ္ဌကိတြငြ် မိန်ႚခနြ်းေူပာုကားနေပုံဖစ်ပၝသည်။ (Photo: AFP)

APEC ထိပ်သီးဆြေးြေိံးပြဲအတငြ်း အာစီယံ ၁ဝိုိံင်ငံက ခေၝင်းဆောင်တေနြဲႛ သီူးခား တြေႛဆုံမြာူဖစ်တယ်လိုႛ အာစီယံရေးရာ အမေရိကန် သံအမတ်ဋ္ဌကီး Scot Marciel က နိုဝင်ဘာလ ၇ ရက်နေ့ကေူပာလိုက်တာပၝ။ Mr. Scot Marciel ဟာ သမ္ထတ Obama နဲႛ အာစီယံ ထိပ်သီးခေၝင်းဆောင်တြေ တြေႛဆုံမယ့်ကိင်္စကို ဋ္ဌကိတြင်စီစဉ်ဖိုႛအတကြ် အာစီယံ ၁ဝိုံင်ငံက သံတမန်တေနြဲႛ ဖိလစ်ပိုင်မြာ ဆြေးြေိံး ညၟိံငြ်းနေတာူဖစ်ပၝတယ်။

ဒီ APEC အစည်းအဝေးကိုမန်မာစစ်အစိုးရကိုယ်စား ဝန်ဋ္ဌကီးခဵပြ် ဗိုလ်ခဵပ်ြဋ္ဌကီးသိန်းစိန် တက်ရောက်မယ်လိုႛ ဖိလစ်ပိုင်ိုံင်ငံကူမန်မာသံအမတ် ဦးမင်းလင်ြက အေပီသတင်းဌာနကိုေူပာပၝ တယ်။ ဒၝပေမယ့် သမ္ထတ Obama ဟာ ဗိုလ်ခဵပ်ြဋ္ဌကီးသိန်းစိန်နဲႛ သီူးခား တြေႛဆုံဖိုႛ ရြိမရြိဆိုတာကို တော့ ထုတ်ဖော်ေူပာဆိုတာ မရြိပၝဘူး။ူမန်မိာုိံင်ငံနဲႛ ပတ်သက်တဲ့ အမေရိကန်မူဝၝဒ အေူပာင်းအလဲ ကို အူပသြဘောဆောင်တဲ့အတကြ် ဋ္ဌကိဆြိုေုကာင်း ဦးမင်းလင်ြကေူပာပၝတယ်။

၁၉၆၆ ခိုံစ်ြကူမန်မာဝန်ဋ္ဌကီးခဵပြ် ဗိုလ်ခဵပ်ြဋ္ဌကီးနေဝင်း အမေရိကန်ူပည်ထောင်စုကို သြားရောက်ခဲ့စဉ်တုန်းက အမေရိကန်သမ္ထတ Johnson နဲႛ တြေႛဆုံခဲ့္ဘပီးနောက် အခုတဋ္ဌကိမ်ဟိာံစ်ြပေၝင်းမဵားစြာအတငြ်း နောက်ထပ်တဋ္ဌကိမ် အမေရိကန်နဲႛူမန်မာ ၂ိုိံင်ငံ အစိုးရအဆင့်ူမင့် ခေၝင်းဆောင်ိံစြ်ဦး တြေႛဆုံမြာူဖစ်ပၝတယ်။

ဖိလစ်ပိုင်ိုိံင်ငူံခားရေးဝန်ဋ္ဌကီး Alberto Romulo ကေူပာဆိုရာမြာူမန်မိာုိံင်ငံနဲႛ ပတ်သက်တဲ့ အမေရိကန်မူဝၝဒ အေူပာင်းအလဲကို အာစီယံအဖြဲႛအနေနဲႛ ဋ္ဌကိဆြိုေုကာင်းနဲႛ ကဵန်တဲ့ မိမိတိုႛ အာစီယိုံိံင်ငံတေအြနေနဲႛလည်ူးမန်မာစစ်အစိုးရနဲႛ ဆက်ဆံရေး လုပ်နေတဲ့ တခဵိန်တည်းမြာပဲူမန်မိာုိံင်ငံ ဒီမိုကရေစီူပြူပင်ေူပာင်းလဲဖိုႛအတကြ်ူမန်မာစစ်အစိုးရကို တောက်လ္တွောက် တိုက်တနြ်း နေပၝတယ်လိုႛေူပာဆိုခဲ့ပၝတယ်။

အမေရိကန် ကိုယ်စားလှယ်အဖွဲ့ကို တိုင်းရင်းသား ခေါင်းဆောင်များ ဘာတွေ တင်ပြခဲ့ကြလဲ

Posted by Thawngsian Tung (CNC-Japan)
Source : Mizzima News

ဖနိဒါ
(ဦးပူကျင့်ရှင်းထန်နှင့် ဦးအေးသာအောင်တို့နှင့် ဆက်သွယ် မေးမြန်းချက်)
မဇ္ဈိမ (ချင်းမိုင်)။ ။ အရှေ့အာရှနဲ့ ပစိဖိတ်ဒေသရေးရာ အမေရိကန် လက်ထောက် နိုင်ငံခြားရေးဝန်ကြီး ကာ့တ် ကမ်းဘဲလ် Mr. Kurt Campbell နှင့် သူ၏လက်ထောက် စကော့ မာဆီယယ် (Scot Marciel) တို့သည် ဒေါ်အောင်ဆန်း စုကြည်၊ အန်အယ်ဒီ ဗဟို အလုပ် အမှုဆောင် အဖွဲ့ဝင်များ၊ တိုင်းရင်းသား ခေါင်းဆောင်များ၊ ဝန်ကြီးချုပ် ဗိုလ်ချုပ်ကြီး သိန်းစိန် အပါအဝင် စစ်အစိုးရ အရာရှိများနှင့်လည်း ၂ ရက်ကြာ ခရီးစဉ်အတွင်း တွေ့ဆုံခဲ့ပြီး ယနေ့ညတွင် ရန်ကုန်မှ ပြန်လည် ထွက်ခွာသွားသည်။

အမေရိကန် သံတမန်ကြီးများနှင့် တွေ့ဆုံခဲ့သူများ အနက်မှ ဇိုမီးနှင့် ရခိုင် တိုင်းရင်းသား ခေါင်းဆောင် ၂ ဦးကို မဇ္ဈိမက ဆက်သွယ် မေးမြန်းထားသည်။

--------------------------------------------------------------

ဦးပူကျင့်ရှင်းထန် (ဇိုမီး အမျိုးသား ကွန်ကရက်)

ဒီနေ့ အမေရိကန် ကိုယ်စားလှယ်တွေနဲ့ အန်ကယ်တို့ ဘယ်လောက်ကြာအောင် တွေ့ဆုံဖြစ်ခဲ့ကြလဲရှင်။

ကျနော်တို့ ၁ မှာ တွေ့ဖို့။ နည်းနည်း နောက်ကျသွားတယ်။ ၂ နာရီခွဲလောက်မှ တွေ့ဖြစ်တယ်။ တနာရီခွဲလောက်ကြာ တွေ့တယ်။

တိုင်းရင်းသား ခေါင်းဆောင်တွေ အားလုံး ဘယ်နှစ်ယောက် တက်ရောက်ခဲ့ကြပါသလဲရှင်။

တိုင်းရင်းသားခေါင်းဆောင်တွေ ၈ ယောက်တွေ့တယ်။ အမေရိကန် ကိုယ်စားလှယ်ဘက်က ၄ ယောက်။ သံရုံးက ၂ ယောက် တွေ့ပါတယ်။

ကျနော်ပါတယ်။ ဦးအေးသာအောင် (ရခိုင်အမျိုးသား ဒီမိုကရေစီ အဖွဲ့ချုပ်)၊ နိုင်ထွန်းသိန်း (မွန်အမျိုး သားဒီမိုကရေစီပါတီ)၊ စိုင်းစောအောင် (အက်စ်အန်အယ်ဒီ)၊ ဦးရွှေအုန်း (ဝါရင့်ရှမ်းနိုင်ငံရေးသမား)၊ ဦးမျိုးသန့် (ရိုဟင်ဂျာအဖွဲ့) ကလို့ သိတယ်။ ကချင် ဦးစဘွဲဂျွမ်နဲ့ ကယန်းအဖွဲ့က ဒေါက်တာ စိုင်းမွန်သာ ရဲ့ဇနီး ဒေါ်ရေဘက္ကာတို့ ပါတယ်။ ဒေါ်ရေဘက္ကာက ဘယ်အဖွဲ့ကမှ မဟုတ်ဘူးလို့တော့ သိတယ်။

အမေရိကန် ကိုယ်စားလှယ်တွေကို ဘယ်လို အကြောင်းအရာတွေ တင်ပြခဲ့ပါသလဲရှင်။

ကျနော်တို့က အခြေခံဥပေဒကို သဘောမကျတဲ့ အကြောင်း။ တိုင်းရင်းသားတွေကို ကိုယ်စားပြုပြီး ပြောနေတဲ့လူတွေ ဖြစ်တဲ့အကြောင်း။ ဒီ ဥပဒေစာအုပ်မှာ တိုင်းရင်းသားတွေအတွက် ကာကွယ်တဲ့ ပုဒ်မတွေ တခုမှ မပါဘူး။ မယုံရင် ကြည့်ပါ ဆိုပြီးတော့ စာအုပ်နဲ့အတူ ပြခဲ့တယ်။ သူတို့က ကျနော် တို့မှာလဲ ရှိပါတယ်လို့ ပြောတယ်။

ဒီနေ့ထိ နိုင်ငံရေး အကျဉ်းသားတွေကို မလွတ်ပေးသေးဘူး။ နိုင်ငံရေး လှုပ်ရှားသူတွေ ဖမ်းခံနေရတယ်။ ဒေါ်စု အပါအဝင် ခွန်းထွန်းဦး၊ ၈၈ ကျောင်းသား ခေါင်းဆောင် ကိုမင်းကိုနိုင်တို့ကို လွတ်ပေးဖို့ တင်ပြတာပါ။

၂၀၀၈ ဖွဲ့စည်းပုံ အခြေခံဥပဒေစာအုပ်ထဲက ဘယ်ပုဒ်မ ဘယ်လို အချက်တွေကို ထောက်ပြခဲ့ပါသလဲရှင်။

ပုဒ်မ ၄၄၁ က လွတ်တော်ကိုယ်စားလှယ် ပထမဆုံး အစည်းအဝေး လုပ်တဲ့အခါမှာ ဒီဥပဒေ အတည် ဖြစ်တယ် ဆိုတာကို လိုချင်လို့ ရွေးကောက်ပွဲ လုပ်တယ်ဆိုတာ ပထမဆုံးပြတယ်။ ဒုတိယမှာတော့ အခြေခံမူဆိုတာ ပုဒ်မ ၆ (s) မှာ မြန်မာပြည်နိုင်ငံရေးမှာ စစ်တပ်က ဦးဆောင်ရမယ်ဆိုတာ ပါတယ်။ ပုဒ်မ ၄၄၅ မှာလည်းဘဲ စစ်အစိုးရလုပ်တဲ့ အရာအားလုံးကို နောက်လာမဲ့ အစိုးရက တရားစွဲလို့ မရအောင် တားမြစ်ထားတာတွေလည်း ရှိတယ်။ နောက်ပြီးတော့ ၅၉ (D)မှာက နိုင်ငံတော်သမတသည် (စစ်ထွက်) လူဖြစ်ရမယ်ဆိုတော့ စစ်ထွက်မဟုတ်ရင် သမတလုပ်လို့ မရဘူးဆိုတာ ပြောထားတယ်။ အဆိုးဆုံးက ၄၁၃ (D) မှာ အဲဒီ သမတကို လိုအပ်ရင် စစ်တပ်က အာဏာ သိမ်းပိုင်ခွင့် ပေးတယ်။ ဒါတွေ တင်ပြတယ်။

တခြား အပစ်ရပ်အဖွဲ့၊ ငြိမ်းချမ်းရေး အဖွဲ့တွေအကြောင်း အစုံတရာ တင်ပြတာတို့ ရှိပါသလားရှင်။

စစ်အစိုးရက အပစ်အခတ်ရပ် အဖွဲ့တွေ ညီလာခံမှာ တင်ပြတဲ့အချက်တွေကို လုံးဝ ဂရုမစိုက်ဘူးဆိုတဲ့ အကြောင်း ပြောတယ်။ နောက်ပြီးတော့ ကိုးကန့်မှာ ဖြစ်နေတဲ့ စစ်ပွဲဖြစ်နေတာဟာ လူမျိုးစုတွေကို လက်နက်ချပါ။ မချဘူးဆိုရင် နယ်ခြားစောင့်တပ်လုပ်ခိုင်းတယ် ဆိုတာတွေ တင်ပြတယ်။

အမေရိကန်အစိုးရ ကိုယ်စားလှယ်နဲ့ တွေ့ဆုံမှုအပေါ်မှာ အားရကျေနပ်မှု ရှိပါသလားရှင်။

ဒီလိုတွေ့ဆုံမှုအပေါ် အမေရိကန်ဘက်က ဘာမှပြန်ပြောတာ မရှိပေမဲ့ ဒါက အစကလေးပါ။ နောက်ပြန် လာမယ်လို့ပြောတယ်။ စကားအထူးအဆန်း မပြောပေမဲ့ အရင်တခါမှ မဖြစ်ဖူးတာ အခုလို ဖြစ်နေ တယ်ဆိုတော့ ကောင်းမယ်လို့ ထင်တာပါဘဲ။ မျော်လင့်ချက်တော့ ရှိပါတယ်။


ဦးအေးသာအောင် (ရခိုင်အမျိုးသားဒီမိုကရေစီအဖွဲ့ချုပ်)

အမေရိကန် ကိုယ်စားလှယ်တွေနဲ့ ဒီနေ့ တွေ့ဆုံမှုမှာ ဘယ်သူတွေက ဘာတွေ တင်ပြခဲ့ပါသလဲရှင်။

ကျနော်အရင်ပြောတယ်။ အဓိကတော့ အခုလာတဲ့ခရီးစဉ်ကို ကြိုဆိုတဲ့အကြောင်း ဒါပေမဲ့ နအဖနဲ့ အမေရိကန်ကိုယ်စားလှယ်တွေ၊ ကျနော်တို့ တိုင်းရင်းသားခေါင်းဆောင်တွေ၊ အန်အယ်ဒီတွေ တွေ့ဆုံ တာနဲ့ မပြီးသေးဘူး။ နိုင်ငံရေးဖြစ်ပေါ်တိုးတက်ဖို့ဆိုတာက နအဖနဲ့ အန်အယ်ဒီ အပါအဝင် တိုင်းရင်း သားတွေ ဆွေးနွေးညှိနိုင်းဆောင်ရွက်နိုင်မှ တိုးတက်မယ်ဆိုတဲ့အကြောင်း။

တခြားတိုင်းရင်းသားခေါင်းဆောင်တွေကရော ဘာတွေ တင်ပြခဲ့ပါသလဲရှင်။

ကချင်က ဦးစဘွဲဂျွမ်ကနေ ကချင်ပြည်နယ်ကအကြောင်း တင်ပြတာက ကေအိုင်အိုက နအဖနဲ့ ၉ ကြိမ် လောက် ဆွေးနွေးခဲ့တဲ့ အကြောင်းတွေ။ နောက်ဆုံး ဗိုလ်ချုပ်မှူးကြီး သန်းရွှေကို ပင်လုံစာချုပ်နဲ့ ပတ် သက်ပြီး တင်ပြထားတဲ့အကြောင်းတွေ အခြေခံပြီးတော့ ပြောတယ်။ ငြိမ်းချမ်းရေးနဲ့ ပတ်သက်တဲ့ တချို့ခေါင်းဆောင်တွေကတော့ ငြိမ်းချမ်းရေးယူခဲ့စဉ်က နအဖနဲ့ သဘောတူခဲ့တဲ့ အချက်အလက် တွေ၊ အခုဖြစ်နေတဲ့ Border Guard ပြောင်းဖို့ လုပ်နေတဲ့အကြောင်းတွေ ပြောတယ်။

မွန်အမျိုးသားဒီမိုကေရစီအဖွဲ့က နိုင်စောအောင်နဲ့ ဦးရွှေအုန်းတို့ကတော့ စာတစောင် ထုတ်ပေးလိုက်တယ်။

အန်ကယ်အနေနဲ့ ဒီလို အမေရိကန်ကိုယ်စားလှယ်တွေနဲ့ တွေ့ဆုံမှုအပေါ် အားရကျေနပ်မှုရှိလား။

ကျနော်အနေနဲ့ အားရမှုရှိတယ်လို့ မပြောနိုင်ဘူး။ ဘာကြောင့်လဲဆိုတော့ တွေ့ဆုံမှုသည် အမေရိ ကန်က ဘယ်လောက်ဘဲ ကြိုးစားပေမဲ့၊ အန်အယ်ဒီတို့၊ တိုင်းရင်းသားတို့ ဘယ်လောက်ဘဲ လိုက် လျော လိုက်လျော၊ နအဖက ပြောင်းလဲလိုတဲ့ ဆန္ဒမရှိရင် နိုင်ငံရေးအရ တွေ့ဆုံဆွေးနွေးရေးအဆင့် ကျော်မှာမဟုတ်ဘူး။ နအဖ အနေနဲ့ အမေရိကန်နဲ့ ဆက်ဆံရေးကောင်းဖို့နဲ့ ပိတ်ဆို့မှုကို ရုပ်သိမ်းဖို့ လောက်ဘဲ ရည်ရွယ်တာဘဲ။

ဒေါ်အောင်ဆန်းစုကြည်ကို တွေ့ခဲ့တာနဲ့ ပတ်သက်ပြီးတော့ အမေရိကန်တွေက တစုံတရာ ပြောပြတာများ ရှိလားရှင်။

အမေရိကန် ကိုယ်စားလှယ်က ပြောတယ်။ ကျနော်တို့ တိုင်းရင်းသားခေါင်းဆောင်တွေနဲ့ ဒီလိုတွေ့တဲ့ အပေါ်မှာ ဝမ်းသာအားရတဲ့အကြောင်း ဒေါ်စုက သတင်းပါးလိုက်တယ်တဲ့။