ဒေါ်အောင်ဆန်းစုကြည် ရွေးကောက်ပွဲမှာပါဝင်ခွင့်မရှိလျှင် ဂျပန်အစိုးရမှ လူသားချင်းဆိုင်ရာထောက်ပံ့မှုများလုံးဝရပ်ဆိုင်းဖို့ စဉ်းစားနေကြောင်းထုတ်ပြန်

ဒီနှစ် မြန်မာနိုင်ငံမှာ ကျင်းပပြုလုပ်မဲ့ (၂၀၁၀)ရွေးကောက်ပွဲမှာ နေအိမ်အကျယ်ချုပ်ချခံထားခြင်းခံရသော

ဒေါ်အောင်ဆန်းစုကြည် အား ပါဝင်ခွင့်မရအောင်ပြုလုပ်ထားခြင်းနှင့်ပတ်သတ်၍ ဂျပန်နိုင်ငံခြားရေးဝန်ကြီး Okadaမှ မြန်မာနိုင်ငံအားလူသားချင်းဆိုင်ရာအထောက်အပံ့များ၊ စီးပွားရေးဆိုင်ရာထောက်ပံ့ငွေများ

ရပ်ဆိုင်းဖို့စဉ်းစားနေတယ်လို့ပြောဆိုလိုက်ပါတယ်။

မြန်မာစစ်အစိုးရမှ ဒီလ(၈)ရက်နေ့က ရွေးကောက်ပွဲဆိုင်ရာ ဥပဒေသစ်များကို ထုတ်ပြန်ခဲ့ပြီး ဒီဥပဒေထဲမှာဒေါ်အောင်ဆန်းစုကြည်ပါဝင်ခွင့်မရနိုင်တာဂျပန်အစိုးရမှထောက်ပြပြောဆိုနေပါတယ်။ ပါဝင်ခွင့်ရအောင် ပြန်လည်စဉ်းစားစေလိုကြောင်းပြောဆိုလိုက်ပါတယ်။

ဂျပန်နိုင်ငံခြားရေးဝန်ကြီးOkadaမှ(၂၆)ရက်နေ့ကပြုလုပ်တဲ့သတင်းစာရှင်းလင်းပွဲမှာဒေါ်အောင်ဆန်းစုကြည်ဟာ (၂၀၁၀)ရွေးကောက်ပွဲမှာဦးဆောင်ပါဝင်နိုင်မှာမဟုတ်ဘူးဆိုတာသိတဲ့အတွက် တော်တော်လေး

ဝမ်းနည်းကြောင်းပြောဆိုသွားခဲ့ပါတယ်။

အဲဒီနေ့မှာဘဲ ဂျပန်နိုင်ငံရှိ ဂျပန်နိုင်ငံဆိုင်ရာ မြန်မာသံအမတ်ဦးလှမင်းအား ၎င်းကိစ္စနှင့်ပတ်သတ်၍ ခေါ်ယူတွေ့ဆုံခဲ့ပြီး ဒေါ်အောင်ဆန်းစုကြည်နဲ့ နိုင်ငံရေးအကျဉ်းသားများ ပါဝင်ခွင့်မရှိလျှင် ဂျပန်အစိုးရမှ စီးပွားရေးဆိုင်ရာထောက်ပံ့ငွေများရပ်ဆိုင်းဖို့စဉ်းစားနေတယ်လို့ပြောဆိုလိုက်ပါတယ်။ မြန်မာသံအမတ်ဦးလှမင်းကလည်းဂျပန်နိုင်ငံကထောက်ပံ့မှုဖြတ်တောက်ဖို့စဉ်းစားနေတဲ့ကိစ္စကို နအဖစစ်အစိုးရကို အကြောင်းပြန်လိုက်မှာ ဖြစ်ကြောင်းပြောဆိုတယ်လို့ သိရပါတယ်။

သတင်း ။ ။ tbs news (japan)

လုံခြုံရေးကောင်စီ မြန်မာ့အရေး ဆွေးနွေး

မြန်မာနိုင်ငံမှာ စစ်မှန်ပြီး တရားမျှတတဲ့ ရွေးကောက်ပွဲ ဖြစ်ပေါ်ရေးအတွက် ကုလသမဂ္ဂ လုံခြုံရေးကောင်စီ အနေနဲ့ စိတ်ဝင်စားမှုရှိတယ် ဆိုတာကို ပြသဖို့အတွက် လုံခြုံရေးကောင်စီ စည်းဝေးပွဲ ခေါ်ယူကျင်းပပေးဖို့ ဗြိတိန်နဲ့ ပြင်သစ်နိုင်ငံတို့က ဦးဆောင် တောင်းဆိုခဲ့ကြတဲ့အတွက် မြန်မာ့အရေး လုံခြုံရေးကောင်စီမှာ ဆွေးနွေး သင့်မသင့် ဒီကနေ့ အလွတ်သဘော တွေ့ဆုံဆွေးနွေးကြဖို့ ရှိပါတယ်။ ဒါဟာဆိုရင် အတွင်းရေးမှူးချုပ်ရဲ့ မြန်မာ့မိတ်ဆွေနိုင်ငံများ စည်းဝေးပွဲ မကျင်းပခင် တရက်အလိုမှာ အခုလို ကျင်းပမှာ ဖြစ်ပါတယ်။ အပြည့်အစုံကို ကိုဇော်ဝင်းလှိုင်က တင်ပြပေးထားပါတယ်။

မြန်မာ့ ဒီမိုကရေစီခေါင်းဆောင် ဒေါ်အောင်ဆန်းစုကြည်နဲ့ တကွ အတိုက်အခံ အင်အားစုတွေ ပါဝင်ခွင့် မရအောင် ချုပ်ချယ် ကန့်သတ်ထားတဲ့ ရွေးကောက်ပွဲဆိုင်ရာ ဥပဒေတွေ မြန်မာစစ်အစိုးရ ထုတ်ပြန်လိုက်တဲ့အတွက် ကုလသမဂ္ဂ လုံခြုံရေးကောင်စီ အနေနဲ့ မြန်မာ့အရေးကို အမြန်ဆုံး စည်းဝေးပွဲ ခေါ်ယူ ကျင်းပပေးဖို့ ဗြိတိန်၊ ပြင်သစ်၊ သြစတြီးယားနဲ့ အမေရိကန် ပြည်ထောင်စုတို့က လိုလားနေကြတာပါ။

မြန်မာ့အရေးကို လုံခြုံရေးကောင်စီမှာ ဆွေးနွေးဖို့အတွက် ဗြိတိသျှ အစိုးရက စတင် အဆိုတင်သွင်းလာတာ ဖြစ်ပြီး မကြာခင် နာရီပိုင်းအတွင်း ဆွေးနွေးဖြစ်ကြတော့မယ့် အကြောင်း ကုလသမဂ္ဂဆိုင်ရာ ဗြိတိသျှအစိုးရ ကိုယ်စားလှယ်ရုံးက သတင်းနဲ့ ပြန်ကြားရေးတာဝန်ခံ ဟားရီးယက်တ် ခရော့စ် (Harriet Cross) က ဗွီအိုအေကို ပြောပါတယ်။

“ဒီစည်းဝေးပွဲ ကျင်းပဖို့အတွက် ဗြိတိသျှ အစိုးရက အဆိုတင်သွင်းခဲ့တာဖြစ်ပြီး နောက် ၂ နာရီလောက် အကြာမှာ စကြပါတော့မယ်။ ဒါဟာ လုံခြုံရေးကောင်စီရဲ့ တရားဝင် တိုင်ပင် ညှိနှိုင်းတဲ့ စည်းဝေးပွဲပါ။”

ပြီးခဲ့တဲ့ သီတင်းပတ် အတွင်းမှာပဲ မြန်မာစစ်အစိုးရအပေါ် နိုင်ငံတကာက လက်နက်ရောင်းဝယ်မှု ပိတ်ဆို့ရေး လုပ်ဆောင်ကြဖို့ ဗြိတိသျှအစိုးရ အနေနဲ့ အစွမ်းကုန် ကြိုးစား ဆောင်ရွက်သွားမယ့်အကြောင်း ဗြိတိသျှ ပါလီမန်မှာ နိုင်ငံခြားရေး ၀န်ကြီးက အဆို တင်သွင်းခဲ့ပါတယ်။ ၀န်ကြီးချုပ် ဂေါ်ဒွန် ဘရောင်း (Gordon Brown) ကိုယ်တိုင်က ဒီကိစ္စကို လိုလိုလားလား ရှိတဲ့အကြောင်း ဟားရီးယက်တ် ခရော့စ်က ဆက်ပြောပါတယ်။

“ဟုတ်ပါတယ်၊ မြန်မာစစ်အစိုးရအပေါ် ကမ္ဘာလုံးဆိုင်ရာ လက်နက်ရောင်းဝယ်မှု ပိတ်ဆို့ရေး လုပ်ဆောင်ဖို့ လိုလားတဲ့အကြောင်း ၀န်ကြီးချုပ် ကိုယ်တိုင်က ပွင့်ပွင့်လင်းလင်း ပြောထားပြီးသားပါ။”

ဗြိတိသျှအစိုးရရဲ့ ဒီ ကမ္ဘာလုံးဆိုင်ရာ လက်နက်ရောင်းဝယ်မှု ပိတ်ဆို့ အရေးယူရေး အဆိုပြုချက်ကို ထောက်ခံတဲ့အကြောင်း ပြင်သစ်နိုင်ငံကလည်း အစောပိုင်းမှာ အလွတ်သဘော ပြောထားပြီး ဖြစ်ပါတယ်။

မနက်ဖြန် ကြာသပတေးနေ့မှာတော့ အတွင်းရေးမှူးချုပ် ဘန်ကီမွန်း (Ban Ki-moon) အနေနဲ့ မြန်မာ့မိတ်ဆွေနိုင်ငံများ စည်းဝေးပွဲကို ကုလသမဂ္ဂမှာ ခေါ်ယူကျင်းပဖို့ စီစဉ်ထားတယ်လို့ အတွင်းရေးမှူးချုပ်ရဲ့ ပြောခွင့်ရပုဂ္ဂိုလ် မာတင် နီဆားစ်ကီး (Martin Nesirky) က သတင်းထောက်တွေကို ပြောခဲ့ပါတယ်။

“ရွေးကောက်ပွဲနဲ့ဆိုင်တဲ့ ဥပဒေ စည်းမျဉ်းတွေ စစ်အစိုးရက ထုတ်ပြန်ခဲ့တာ အပါအ၀င် မြန်မာနိုင်ငံ အတွင်းမှာ ပြောင်းလဲမှုတွေ အတော်လေး ဖြစ်ပေါ်နေပါတယ်။ ဒေါ်အောင်ဆန်းစုကြည်ရဲ့ အခန်းကဏ္ဍနဲ့ ပတ်သက်လို့လည်း မြန်မာနိုင်ငံအတွင်းမှာ ပြောဆို ဆွေးနွေးမှုတွေ အများအပြား ထွက်ပေါ်လာနေတာကြောင့် အခုချိန်ဟာ မြန်မာ့အရေး ဆွေးနွေးဖို့ သင့်တော်တဲ့ အချိန်ကောင်း ဖြစ်ပါတယ်။”

အတွင်းရေးမှူးချုပ်ရဲ့ မြန်မာ့မိတ်ဆွေ နိုင်ငံများ အဖွဲ့ထဲမှာ လုံခြုံရေးကောင်စီ အမြဲတမ်းအဖွဲ့ဝင် ၅ နိုင်ငံ အပါအ၀င် အာရှနဲ့ ဥရောပတိုက်က နိုင်ငံပေါင်း ၁၅ နိုင်ငံ ပါဝင်ပါတယ်။

ဒီကနေ့ အလွတ်သဘော ကျင်းပမယ့် မြန်မာပြည်ဆိုင်ရာ လုံခြုံရေးကောင်စီ စည်းဝေးပွဲက မြန်မာ့အရေးကို လုံခြုံရေးကောင်စီမှာ တရားဝင် ထည့်သွင်း ဆွေးနွေးဖြစ်ဖို့အတွက် ဆုံးဖြတ်ချက် ကျမယ်၊ မကျဘူး ဆိုတာတော့ အတိအကျ မသိနိုင်သေးပါဘူး။

ဒါပေမဲ့ မြန်မာ့အရေးကို လုံခြုံရေးကောင်စီမှာ အာဂျင်ဒါတခု၊ ဆွေးနွေးမယ့် အကြောင်းအရာတခု အနေနဲ့ တရားဝင် ထည့်သွင်းဆွေးနွေးမှာကို တရုတ်နိုင်ငံက မလိုလားဘူးဆိုတဲ့ သတင်းတွေကတော့ ထွက်နေပါတယ်။ ဒီအလွတ်သဘော ဆွေးနွေးပွဲကနေ မြန်မာပြည်နဲ့ဆိုင်တဲ့ ဆုံးဖြတ်ချက် တစုံတရာ မချကြဘူး ဆိုရင်တော့ သူ့အနေနဲ့ မကန့်ကွက်ဘူးလို့ တရုတ်ဘက်က ပြောလာတဲ့အတွက် ဒီကနေ့ ကျင်းပမယ့် အလွတ်သဘော စည်းဝေးပွဲ ဖြစ်ပေါ်ခဲ့တာပါ။

မြန်မာပြည်အရေးဟာ နိုင်ငံတကာ လုံခြုံရေးကို ထိခိုက်ခြင်း မရှိဘူး၊ ပြည်တွင်းရေး သက်သက်သာ ဖြစ်တယ်လို့ တရုတ်တို့ဘက်က လက်ခံထားဆဲပါ။ ဒါကြောင့်လည်း မြန်မာစစ်အစိုးရအပေါ် နိုင်ငံတကာက ပိတ်ဆို့ အရေးယူမယ့်ကိစ္စ မှန်သမျှကို တရုတ်နိုင်ငံက ကန့်ကွက်နေတာ ဖြစ်ပါတယ်။

ဒါပေမယ့် ပြီးခဲ့တဲ့နှစ် စက်တင်ဘာလအတွင်း တရုတ်၊ မြန်မာ နယ်စပ်မှာ မတည်ငြိမ်မှုတွေ ဖြစ်ပေါ်ပြီး တရုတ်နိုင်ငံထဲ မြန်မာပြည်ဘက်က ၀ဒုက္ခသည်တွေ ထွက်ပြေးသွားခဲ့ကြတဲ့ သာဓက ရှိခဲ့တာကြောင့် အလားတူ မတည်ငြိမ်မှုတွေ ဖြစ်ပေါ်လာမှာကို တရုတ်ဘက်က စိုးရိမ်ပြီး လုံခြုံရေးကောင်စီမှာ စစ်အစိုးရအပေါ် ထားတဲ့ တရုတ်နိုင်ငံရဲ့ သဘောထား ပြောင်းလဲလာမလားဆိုတဲ့ ထင်မြင် ယူဆမှုတွေလည်း ထွက်ပေါ်နေပါတယ်။

အခုလည်း တရုတ်၊ မြန်မာ နယ်စပ်နဲ့ ထိုင်း၊ မြန်မာ နယ်စပ်ဒေသတွေမှာ ရှိနေတဲ့ အပစ်ရပ်အဖွဲ့တွေက နယ်ခြားစောင့်တပ် အသွင်ပြောင်းရေး စစ်အစိုးရရဲ့ ဖိအားပေး တောင်းဆိုမှုအပေါ် သဘောတူညီမှု မရနိုင်တဲ့အတွက် မြန်မာစစ်အစိုးရတပ်တွေ နယ်စပ်ဒေသတွေမှာ တိုးချဲ့ချထားဆိုတဲ့ သတင်းတွေ ထွက်ပေါ်လာနေပါတယ်။

အခုနှစ်အတွင်း ကျင်းပမယ်ဆိုတဲ့ ရွေးကောက်ပွဲမှာ ဒေါ်အောင်ဆန်းစုကြည်နဲ့တကွ နိုင်ငံရေး အကျဉ်းသားတွေ ပါဝင်ခွင့် မရနိုင်တဲ့ ကန့်သတ် ချုပ်ချယ်တဲ့ ဥပဒေတွေကို စစ်အစိုးရက ထုတ်ပြန်လိုက်တဲ့အပေါ် ပြည်တွင်း ပြည်ပက ဝေဖန် ကန့်ကွက်မှုတွေ အရှိန်အဟုန် မြင့်လာချိန်မှာ လုံခြုံရေးကောင်စီ အနေနဲ့ မြန်မာ့အရေးကို စည်းဝေးပွဲ ခေါ်ယူကျင်းပတာ ဖြစ်ပါတယ်။

VOA

ရွေးကောက်ပွဲ ဥပဒေ လက်မခံရေး မြန်မာ့ဒီမိုကရေစီ အင်အားစုတွေ ဘန်ကီမွန်းကို တိုက်တွန်း

မြန်မာစစ်အစိုးရ ထုတ်ပြန်လိုက်တဲ့ ၂၀၁၀ ရွေးကောက်ပွဲ ဥပဒေဟာ တဖက်သတ်ဆန်တဲ့ ဥပဒေ ဖြစ်တာမို့ ကုလသမဂ္ဂ အဖွဲ့ကြီး အပါအ၀င် နိုင်ငံတကာ အဖွဲ့အစည်းတွေက လက်မခံကြဖို့နဲ့ မြန်မာ့အရေးကို ကုလသမဂ္ဂ လုံခြုံရေးကောင်စီမှာ အမြန်ဆွေးနွေးပေးဖို့ မြန်မာနိုင်ငံလုံးဆိုင်ရာ သံဃာ့တပ်ပေါင်းစု၊ ၈၈ မျိုးဆက် ကျောင်းသားများ အဖွဲ့နဲ့အတူ ABFSU ခေါ် မြန်မာနိုင်ငံလုံးဆိုင်ရာ ကျောင်းသားသမဂ္ဂများ အဖွဲ့ချုပ်တို့က ပူးပေါင်းပြီး ကုလသမဂ္ဂ အတွင်းရေးမှူးချုပ် ဘန်ကီမွန်း (Ban Ki-moon) ဆီကို စာရေးသား ပေးပို့ခဲ့ကြပါတယ်။ ဒီအကြောင်း အပြည့်အစုံကို မသင်းသီရိက တင်ပြပေးထားပါတယ်။

ဒီအဖွဲ့ ၃ ခုပေါင်းပြီး ကုလသမဂ္ဂ အတွင်းရေးမှူးချုပ် ဘန်ကီမွန်းဆီကို ပေးပို့တဲ့ စာထဲမှာ ၂၀၁၀ ရွေးကောက်ပွဲဟာ မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည် အပါအ၀င် နိုင်ငံရေး အကျဉ်းသားတွေ ပါဝင်ခွင့်ကို ကန့်သတ်ထားတာမို့ ဒါဟာ ဘယ်နည်းနဲ့မှ လွတ်လပ်ပြီး တရားမျှတဲ့ ရွေးကောက်ပွဲတရပ် မဖြစ်နိုင်ဘူး ဆိုတာကို အဓိက ထောက်ပြကြတာပါ။
[ ဆက်လက်ဖတ်ရှု့ပါရန် +/- ]

တခါ နိုင်ငံမှာ ထိပ်တန်းခေါင်းဆောင်ပိုင်းတွေ ကိုယ်တိုင် လူ့အခွင့်အရေး ချိုးဖောက်မှုတွေ အကြီးအကျယ် ကျူးလွန်နေတာ ဖြစ်သလို မြန်မာစစ်ခေါင်းဆောင်တွေက အတိုက်အခံ နိုင်ငံရေး အင်အားစုတွေနဲ့ရော၊ တိုင်းရင်းသား အဖွဲ့တွေနဲ့ပါ တွေ့ဆုံဆွေးနွေးတာတွေ အမြန်လုပ်ဖို့ ဖိအားပေးနိုင်အောင် ကုလသမဂ္ဂ လုံခြုံရေးကောင်စီမှာ မြန်မာ့အရေး အမြန်ဆွေးနွေးဖို့အတွက် မစ္စတာ ဘန်ကီမွန်းကို စာရေးတောင်းဆိုထားတာ ဖြစ်တယ်လို့ ၈၈ မျိုးဆက် ကျောင်းသားခေါင်းဆောင် တဦးဖြစ်တဲ့ ကိုထွန်းမြင့်အောင်က ပြောပါတယ်။

“အဓိကပြောချင်တာတော့ ၉၀ ရွေးကောက်ပွဲ ရလဒ်ကို တဖက်သတ် ဖျက်သိမ်းပစ်ရုံ မကဘူး၊ နိုင်ငံရေး အကျဉ်းသားတွေကိုလည်း ဖမ်းပြီး ယနေ့ထက်ထိ ထောင်သွင်း အကျဉ်းချထားတယ်၊ ပြီးတော့ ၂၀၀၈ ဖွဲ့စည်းပုံ အခြေခံဥပဒေ ဆိုတာကို စစ်အာဏာရှင်စနစ် သက်ဆိုးရှည်ဖို့အတွက် တဖက်သတ် ရေးဆွဲတယ်။

“ပြီးတော့ ဒီဥပဒေကို အသက်သွင်းဖို့အတွက် ရွေးကောက်ပွဲ ဥပဒေ ထုတ်ပြန်တဲ့ အခါမှာလည်း ပါတီမှတ်ပုံတင်တဲ့ ဥပဒေကအစ အင်မတန် တင်းကျပ်လွန်းပြီး လူ့အခွင့်အရေး မပြောနဲ့ နိုင်ငံသားတယောက်ရဲ့ အခွင့်အရေးကိုပင် လွန်လွန်ကျူးကျူး ချိုးဖောက်နေတာကို တွေ့ရတယ်။ အဲတော့ အဆိုးဆုံး အခြေအနေကို ရောက်နေပြီ။ ကျနော်တို့တိုင်းပြည်နဲ့ ပတ်သက်ပြီးတော့ လုံခြုံရေးကောင်စီ အရေးပေါ် အစည်းအဝေးကို အမြန်ဆုံး ခေါ်ယူပေးဖို့ ကျနော်တို့က မစ္စတာ ဘန်ကီမွန်းကို ပြောချင်တာပါ။”

တကယ်တော့ မြန်မာ့အရေးကို လုံခြုံရေးကောင်စီမှာ ဆွေးနွေးကြတဲ့အခါတိုင်း တရုတ်နဲ့ ရုရှားတို့က ဗီတိုအာဏာသုံးပြီး ပယ်ချခဲ့တာပါ။ ဒါ့ကြောင့် ဒီနှစ်နိုင်ငံအနေနဲ့ မြန်မာနိုင်ငံရဲ့ ပြဿနာဟာ ပြည်တွင်းရေးပြဿနာ သက်သက် မဟုတ်ဘဲ ဒေသတွင်းကိုပါ ခြိမ်းခြောက်နေတယ် ဆိုတာကို မြင်ကြဖို့ လိုသလို မစ္စတာ ဘန်ကီမွန်း အနေနဲ့လည်း လုပ်ပိုင်ခွင့်အာဏာ အပြည့်အ၀သုံးပြီး ကိုင်တွယ်ပေးဖို့ကိုလည်း မေတ္တာရပ်ခံ ထားပါတယ်လို့ သူက ဆက်ပြောပါတယ်။

“တရုတ်နဲ့ ရုရှားက ကန့်သတ်မှုတွေ မပြုအောင်လည်း စည်းရုံးသင့်ပါတယ်။ ပြီးတော့ ဘန်ကီမွန်းရဲ့ အခွင့်အာဏာ မှန်သမျှကို အပြည့်အ၀ အသုံးချပြီးတော့ ၂၀၁၀ ရွေးကောက်ပွဲကို ဒီလိုနည်းနဲ့ ဆက်သွားရင် ကုလသမဂ္ဂက အသိအမှတ်ပြုမှာ မဟုတ်ဘူး၊ မစ္စတာ ဘန်ကီမွန်း အနေနဲ့ အသိအမှတ် မပြုနိုင်ဘူး ဆိုတာကို အခုကတည်းက ပြတ်ပြတ်သားသား ကြိုတင်ပြီးတော့ ကြေညာချက်ထုတ်ဖို့ လိုပြီလို့ ကျနော်တို့ ပြောချင်ပါတယ်။”

အထူးသဖြင့် မြန်မာစစ်အစိုးရဟာ သူတို့ပြောထားတဲ့အတိုင်း ၂၀၁၀ ရွေးကောက်ပွဲကို မဖြစ်မနေ ဆက်လုပ်မယ့် သဘော ရှိနေတာမို့ ကုလသမဂ္ဂ အဖွဲ့ကြီး အပါအ၀င် ကမ္ဘာ့နိုင်ငံ အဖွဲ့အစည်းတွေက လက်မခံဘဲ ကန့်ကွက်ကြဖို့ကိုလည်း တောင်းဆိုထားပါတယ်လို့ ကိုထွန်းမြင့်အောင်က ဆက်ပြောပြပါတယ်။

၂၀၀၈ ခုနှစ် ဖွဲ့စည်းပုံဟာ အများပြည်သူ လက်မခံနိုင်တဲ့ အချက်တွေ ပါဝင်ပေမဲ့ တချို့ နိုင်ငံရေး အင်အားစုတွေက ရွေးကောက်ပွဲ မ၀င်ရင် စစ်အာဏာရှင် သက်တမ်းရှည်စေရာကို ရောက်မှာမို့ ရတဲ့အခွင့်အရေးကို အသုံးချပြီး ရွေးကောက်ပွဲ ၀င်ပြိုင်ကာ ပါလီမန်ထဲမှ ဒီဖွဲ့စည်းပုံကို ပြင်မယ်ဆိုတဲ့ ထောက်ပြချက်တွေလည်း ရှိနေပါတယ်။ ဒီအပေါ်မှာ ကိုထွန်းမြင့်အောင်ရဲ့ သုံးသပ်ချက်ကတော့…

“ဒီနေရာမှာလည်း ကျနော်တို့ သမိုင်းသင်ခန်းစာတွေ ရှိခဲ့ပြီးပါပြီ။ ဗိုလ်နေ၀င်း တပါတီ အာဏာရှင်စနစ်ကို ထူထောင်ကာစတုန်းကလည်း ဒီလိုပဲ၊ ဆိုရှယ်လစ်စနစ်ကို သွားဖို့အတွက် ဘယ်နေရာကနေ ၀င်လုပ်ရ၊ ၀င်လုပ်ရဆိုပြီး လုပ်ခဲ့တဲ့ နိုင်ငံရေးသမားတွေ ရှိပါတယ်။ နောက်ဆုံးမှာတော့ အဲဒီ နိုင်ငံရေးသမားကြီးတွေသာလျှင် ဘေးကန်ထုတ်ခံလိုက်ရပြီး ဗိုလ်နေ၀င်းကတော့ တပါတီ အာဏာရှင်စနစ်နဲ့ တိုင်းပြည်ကို မွဲပြာကျတဲ့ အဆင့်အထိကို ဆွဲခေါ်သွားတာပါပဲ။

“အခုလည်း အဲဒီ သမိုင်းသင်ခန်းစာကို အထူးသတိထားဖို့ လိုပါတယ်။ လွှတ်တော်ထဲကိုဝင်ပြီး ပြင်မယ်ဆိုတဲ့ နေရာမှာလည်း ဘယ်လိုမှ ပြင်လို့ဆင်လို့ မရအောင် တင်းတင်းကျပ်ကျပ်နဲ့ ရေးထားတဲ့ ဖွဲ့စည်းပုံကြီးမှာ စိတ်ကူးယဉ်ပြီး ပါလီမန်ထဲက ၀င်ပြင်မယ် ဆိုတာဟာ ပြည်သူလူထုကိုလည်း လှည့်စားရာ ရောက်ပါတယ်။”

၈၈ မျိုးဆက် ကျောင်းသားခေါင်းဆောင် ကိုထွန်းမြင့်အောင် ပြောပြခဲ့တာ ဖြစ်ပါတယ်။

ပြီးခဲ့တဲ့ မတ်လ ၈ ရက်နေ့က မြန်မာစစ်အစိုးရ ထုတ်ပြန်လိုက်တဲ့ ရွေးကောက်ပွဲ ဥပဒေဟာ နိုင်ငံရေးမှာ ပါဝင်နိုင်မှုကို ကန့်သတ်ထားတာ ဖြစ်သလို လူပုဂ္ဂိုလ် တဦးတယောက်ကို ရည်ရွယ်ပြီး ပြဋ္ဌာန်းထားတာမို့ ဥပဒေဆိုတာ ဒီလို မဖြစ်သင့်တဲ့အကြောင်း ဒေါ်အောင်ဆန်းစုကြည်ကလည်း ထောက်ပြသလို ဗြိတိန်ဝန်ကြီးချုပ် ဂေါ်ဒွန် ဘရောင်း (Gordon Brown) ကလည်း ဒီပြဋ္ဌာန်းချက်တွေနဲ့ ပတ်သက်လို့ ကုလသမဂ္ဂမှာ အရေးပေါ် အစည်းအဝေးတရပ် အမြန်ကျင်းပဖို့ မစ္စတာ ဘန်ကီမွန်းကို စာရေးသား ပေးပို့ တောင်းဆိုထားပါတယ်။ ( ဗွီအိုအေ )

မြန်မာအမျိုးသမီးကို နှိပ်စက်မှုဖြင့် စင်္ကာပူအိမ်ရှင် ထောင်ဒဏ်ကျ

စင်္ကာပူ အလုပ်ရှင် Peck Choon Khim (ဓာတ်ပုံ - Straits Times)

မြန်မာ အမျိုးသမီး တဦးကို နှိပ်စက်မှုဖြင့် စင်္ကာပူ အလုပ်ရှင် တဦးကို စင်္ကာပူရှိ တရားရုံးတခုက ယနေ့ ထောင်ဒဏ် ၄ လ ချမှတ် လိုက်ကြောင်း Straits Times သတင်းစာတွင် ဖော်ပြထားသည်။

၂၀၀၈ ခုနှစ်က စင်္ကာပူ အလုပ်ရှင် Peck Choon Khim ထံတွင် ကလေးထိန်း အဖြစ် အလုပ်ဝင်ချိန်မှ စတင်ပြီး ၁၅ ကြိမ်တိုင်တိုင် နှိပ်စက် ခဲ့ကြောင်း၊ ၂၀၀၉ ခုနှစ် မတ်လ ၁၅ ရက်နေ့တွင် ရေနွေးအိုးဖြင့် ရိုက်နှက် ခံရကြောင်း မမိုးသန္တာလင်းက တရားရုံးတွင် ထွက်ဆို ခဲ့သည်ဟု သိရသည်။

တရားရုံး၏ ဇန်န၀ါရီလ အပြီးသတ် ကြားနာမှုတွင် အိမ်ရှင်၏ ရှေ့နေက ပြစ်ဒဏ် လျှော့ပေါ့ပေးရန် ရုံးတော်အား လျှောက်ထား ခဲ့သည်။ ထို့အပြင် ရှေ့နေက အသက် ၂၄ နှစ်အရွယ် မမိုးသန္တာလင်းသည် အလုပ်စ၀င်သည့် အချိန်မှစ၍ အသက် ၄၁ နှစ်အရွယ်ရှိ အလုပ်ရှင်ကို အာခံ ပြောဆိုပြီး အရိုအသေ တန်ခဲ့ကြောင်း၊ အိမ်ရှိ ၁၈ လနှင့် ၃နှစ် အရွယ် ကလေးများအား ထိန်းကျောင်းရာတွင် ကူညီခြင်း မရှိခဲ့ကြောင်း လျှောက်ထားခဲ့သည်ဟု ဆိုသည်။

ခရိုင်တရားသူကြီး Ronald Gwee က အလုပ်သမားကို မကြိုက်ပါက အလုပ်မှ ထုတ်ပစ်နိုင်ကြောင်း၊ မည်သည့် အလုပ်ရှင်ကမှ အလုပ်သမားကို ကိုယ်ထိလက်ရောက် ရိုက်နှက်ခွင့် မရှိကြောင်း ပြောကြားခဲ့သည်ဟု ဆိုသည်။

ဤအမှုမျိုးအား စင်္ကာပူနိုင်ငံ ဥပဒေအရ အမြင့်ဆုံး ထောင်ဒဏ် ၃ နှစ် ချမှတ်နိုင်သည်ဟု သိရသည်။ စင်္ကာပူ အလုပ်ရှင်အပေါ် စွဲဆိုထားသည့် စွဲချက် ၄ ခု ရှိရာ တခုချင်းစီအတွက် စင်္ကာပူ ဒေါ်လာ ၇၅၀၀ အထိ ဒဏ်ရိုက် နိုင်ကြောင်း Straits Times သတင်းစာတွင် ဖော်ပြထားသည်။

Source : Irrawaddy

စစ်အစိုးရကို ဖိအားပေးရန် UNA မှ ကမ္ဘာ့အင်အားကြီးနိုင်ငံများအားတောင်းဆို

  စစ်အစိုးရမှ ကျင်းပပြုလုပ်မည့် ၂၀၁၀ ရွေးကောက်သည် လွတ်လပ်ပြီး တရားမျှတမှုမရှိသည့်အတွက် အစိုးရကိုတစုံတရာ ဖိအားပေးမှုများ ပြုလုပ်ရန် မြန်မာနိုင်ငံမှ အမျိုးသားစည်းလုံးညီညွတ်ရေး မဟာမိတ်အဖွဲ့က ကုလသမဂ္ဂ လုံခြုံရေးကော်စီထံ အပြင်၊ ကုလသမဂ္ဂ၏ အမြဲတမ်းအဖွဲ့ဝင် ၅ နိုင်ငံထံကို မတ်လ ၁၆ရက်နေ့က တိုက်တွန်းတောင်းဆိုလိုက်သည်။
     စစ်အစိုးရမှ တဖက်သတ် အတည်ပြုထုတ်ပြန်လိုက်သည့် ရွေးကောက်ပွဲဥပဒေသည် လွတ်လပ်ပြီး တရားမျှတမှုမရှိသည့် အတွက် ဖိအားပေးရန့် United Nationalities Alliance (UNA) အဖွဲ့မှ ကြေညာချက် ထုတ်ပြန်တိုက်တွန်းလိုက် ခြင်းဖြစ်သည်။

“စစ်အစိုးရ ထုတ်ပြန်လိုက်တဲ့ ရွေးကောက်ပွဲဥပဒေက ယူအဲန်ရဲ့ အကြံပေးချက်တွေမပါတဲ့အပြင် အပြည်ပြည်ဆိုင်ရာ အသိုင်းအ၀ိုင်းရဲ့ အမြင်နဲ့ဆန့်ကျင်နေပါတယ်၊ မြန်မာနိုင်ငံပြည်သူတွေရဲ့ ဆုံးဖြတ်ချက်နဲ့လည်း ကိုက်ညီမှု မရှိပါဘူး။” ဟု ထုတ်ပြန်ကြေညာချက်ထဲမှာ ဖော်ပြထားသည်။
၂၀၀၈ ခုနှစ် ဖွဲ့စည်းပုံ အခြေခံဥပဒေကို အခြေခံပြီး တပ်မတော်သားများသည် လွှတ်တော်အမတ် ၂၅ ရာခိုင်းနှုန်းကို ကာကွယ်ရေးဦးစီးချုပ်၏ ခန့်အပ်မှုဖြင့် ပါဝင်ရမည်ဆိုသည့် အခြေခံဥပဒေနှင့် နိုင်ငံရေးပါတီများအား ကန့်သတ်ထားခြင်းများကြောင့် ထိုရွေးကောက်ပွဲ ဥပဒေကို ပြန်ပြင်ရန် လိုအပ်သည်ဟုလည်း ဝေဖန်မှုများရှိခဲ့သည်။
UNA တောင်းဆိုချက်များသည် အကျဉ်းသားများအားလုံးလွတ်ပေးရေး၊ ဒီမိုကရေစီအင်အားစုကို ဦးဆောင်သည့် ဒေါ်အောင်ဆန်းစုကြည် အပါအ၀င်တိုင်းရင်းသား အင်းအားစုတို့နှင့် တွေ့ဆုံဆွေးနွေးရေး၊ တိုင်းရင်းသားနယ်မြေတွင်း ထိုးစစ်ဆင်ရေးများ ရပ်တန့်ရေး၊ အားလုံးပါဝင်နိုင်ပြီး တရားမျှတ လွတ်လပ်သည့် ရွေးကောက်ပွဲဖြစ်ပေါ်လာရေးအတွက် တိုက်တွန်းထားသည်။
မကြာသေးမီက ထုတ်ပြန်ခဲ့သည့် ရွေးကောက်ပွဲဥပဒေအပေါ် အမေရိကန်၊ ကနေဒါ၊ ဗြိတိန်၊ သြစတေးလျ၊ ဖိလစ်ပိုင်၊ ဥရောပသမဂ္ဂအဖွဲ့အစည်းတို့မှလည်း ဝေဖန်နေကြသည်။
တဆက်တည်းတွင် အာဆီယံအဖွဲ့ဝင်နိုင်ငံများအနေဖြင့် စစ်အစိုးရ၏ ရွေးကောက်ပွဲဥပဒေကို လက်မခံကြရန် မြန်မာ့အရေးဆောင်ရွက် နေသည့် အာဆီယံလွှတ်တော်အမတ်များက တိုက်တွန်းမှုများ ပြုလုပ်ခဲ့သည်။
UNA ၏တောင်းဆိုချက်များအပေါ် ကုလသမဂ္ဂ လုံခြုံရေးကောင်စီနှင့် ကုလသမဂ္ဂ အမြဲတမ်းအဖွဲ့ဝင်များဖြစ်သည့် တရုတ်၊ ရုရှ၊ ပြင်သစ်၊ ဗြိတိန်၊ ကနေဒါနှင့် အမေရိကန်ပြည်ထောင်စုတို့မှမည်သည့်တုံ့ပြန်မှုများမရှိသေးကြောင်းသိရသည်။

ရန်ကုန်တိုင်း ပန်းပဲတန်းမြို့နယ်အတွင်းရှိ အဆောက်အအုံတစ်ခုတွင် ပြိုကျမှုဖြစ်ပွား

                မတ်လ ၁၄ ရက်နေ့ညနေပိုင်းတွင် ရန်ကုန်မြို့ ပန်းပဲတန်းမြို့နယ် ၆ ရပ်ကွက်၊ လမ်း ၃၀နှင့် ကုန်သည်လမ်းထောင့်ရှိ အဆောက်အအုံတစ်ခုတွင် ပြိုကျမှုဖြစ်ပွားခဲ့ကြောင်း သတင်းရရှိပါသည်။ ပြိုကျမှုဖြစ်စဉ်ကြောင့် ဆောက်အအုံ၏ အပေါ်ဆုံးထပ်တွင်နေထိုင်သော အသက် ၁၆နှစ်အရွယ် အမျိုးသမီးငယ်တစ်ဦး သေဆုံးခဲ့ကြောင်းသိရပြီး အဆောက်အအုံပြိုကျစဉ်က ကျန်မိသားစုဝင်များ နေအိမ်တွင်မရှိကြောင်း သိရသည်။
    အဆိုပါပြိုကျမှုသို့သက်ဆိုင်ရာကယ်ဆယ်ရေးအဖွဲ့များမှ ကယ်ဆယ်ရေးလုပ်ငန်းများဆောင်ရွက်နေစဉ် အဆောက်အအုံအတွင်းပိုင်းမှ ထပ်မံပြိုကျမှုဖြစ်ပွားခဲ့ပြီး မီးသတ်တပ်ဖွဲ့ဝင်အချို့နှင့် ကယ်ဆယ်ရေးကူညီ ဆောင်ရွက်သူအချို့ ထိခိုက်ဒဏ်ရာရရှိခဲ့ကြောင်း သိရသည်။

       ထို့အပြင် အဆိုပါအဆောက်အအုံသည် အန္တရာယ်ရှိအဆောက်အအုံအဖြစ် သတိပေးကြေညာချက် ထုတ်ပြန်ထားသော အဆောက်အအုံဖြစ်ကြောင်း ကြေညာထားချက်အရ သိရှိရပါသည်။ 

Source : internet

ရွေးကောက်ပွဲကော်မရှင်ဥပဒေထွက်ပြီ

စစ်အစိုးရမှကျင်းပပြုလုပ်မည့် (၂ဝ၁ဝ)အထွေထွေရွေးကောက်ပွဲအတွက် ပြည်ထောင်စုရွေးကောက်ပွဲ ကော်မရှင်ဥပဒေကို နိုင်ငံတော်အေးချမ်းသာယာရေးနှင့် ဖွံ့ဖြိုးရေးကောင်စီဥပဒေအမှတ်၊၁/၂ဝ၁ဝ။ ကောဇာ သက္ကရာဇ်(၁၃၇၁)တပေါင်းလပြည့်ကျော်(၉)ရက်၊ ခရစ်သက္ကရာဇ်(၂ဝ၁ဝ) မတ်လ(၈)ရက်နေ့တွင် ထုတ်ပြန်ခဲ့ပါသည်။ အပြည့်အစုံကို အောက်တွင်မူရင်းအတိုင်းဖေါ်ပြထားပါသည်။